Əliyev, Nazarbayev və Atambayev Astanada görüşəcək

Görüşün gündəmi barədə məlumat verilməyib

Ölkə.Az-ın xəbərinə görə, Qazaxıstan Respublikasının xarici işlər naziri Yerlan İdrisov diplomatik korpusun nümayəndələri ilə brifinq zamanı bildirib ki, Qazaxıstan, Azərbaycan və Qırğızıstan prezidentləri Astanada türk liderlərinin iclasına qatılacaqlar.

"Sentyabrın 11-də türk liderlərinin – Qazaxıstan, Azərbaycan və Qırğızıstan prezidentlərinin görüşünü keçirəcəyik. Bəzi obyektiv səbəblərə görə cənab Rəcəb Tayyİb Ərdoğan bu iclasda iştirak etməyəcək, ancaq o, yüksək vəzifəli nümayəndələrini göndərir. Bəzi ölkələr də bu iclasa öz nümayəndələrini göndərəcək. Bu, gündəmimizi müzakirə edəcəyimiz görüş olacaq", - deyə nazir əlavə edib.

O bildirib ki, digər türk dövlətlərinin nümayəndələrinin də iclasda iştirak edəcəyi gözlənilir. Ancaq o, görüşün gündəmi barədə İdrisov məlumat verməyib.

Rəşid Mustafazadə

Ölkə.Az