Zaxarova Laçından xəbərsizdir, yoxsa publikaya oynayır? - Yenə təkrarladı

Rusiya Xarici İşlər Nazirliyinin (XİN) rəsmi nümayəndəsi Mariya Zaxarova mövcud olmayan “blokada” ilə bağlı yenidən fikirlər söyləyib.

Ölkə.Az xəbər verir ki, o çıxışı zamanı deyib: “Moskva atəşkəs rejiminin pozulması hallarının artması və Laçın dəhlizinin davam edən blokadasından son dərəcə narahatdır. Bu, üçtərəfli razılaşmalara ziddir. Biz Bakı və İrəvanı bütün məsələləri siyasi və diplomatik yollarla həll etməyə çağırırıq. Biz Azərbaycan tərəfini Laçın dəhlizinin blokunu açmağa, bu dəhlizlə vətəndaşların, nəqliyyat vasitələrinin və yüklərin mülki məqsədlər üçün maneəsiz hərəkətini təmin etməyə çağırırıq”.

Bildirmək yerinə düşər ki, Beynəlxalq Qızıl Xaç Komitəsinin (BQXK) əməkdaşları Azərbaycanın Qarabağ iqtisadi rayonunun erməni sakinlərini Laçın NBM-i vasitəsilə sərbəst şəkildə daşıyırlar. Yol Zaxarovanın iddialarının əksinə olaraq humanitar məqsədlər üçün açıqdır.