"Twitter qatili", oğurluq platforma ittihamı – Yeni sosial şəbəkədən rekord

Qərb mediası “Threads” sosial şəbəkəsinin başlanğıcını sehrli hesab edib.

Ölkə.Az bəzi nüfuzlu beynəlxalq media orqanlarının yeni platforma barədə fikirlərini təqdim edir:

“Financial Times”:
Bəzi istifadəçilər funksiyaların oxşarlığına görə artıq onu "Twitter qatili" adlandırıblar. İstifadəyə verildikdən bir gündən az müddət ərzində 30 milyon insan onun üçün qeydiyyatdan keçdi və bu, yükləmə sürəti baxımından “OpenAI”nin “ChatGPT” çatbotundan üstün olmağa imkan verdi.

“Washington Post”:
Şou-biznes və böyük siyasət ulduzları arasından ilk abunəçilərin siyahısı heyranedicidir: Kim Kardaşyan, Cenifer Lopez, Kayli Minoq, Arnold Şvarsneqer, Qven Stefani, Şakira, keçmiş vitse-prezident Mayk Pens və Nümayəndələr Palatasının keçmiş spikeri Nensi Pelosi.

“Wall Street Journal”:
“Threads”in sürətli yüksəlişi Maskı özünü müdafiə etmək məcburiyyəti qarşısında qoydu. Başlandıqdan bir neçə saat sonra media “Twitter”in hüquqşünasının məktubunu dərc edib. Belə ki, onun sözlərinə görə, “Meta” qarşı tərəfin keçmiş işçilərini işə götürməklə "kopya" proqram yaradıblar və bununla bağlı Markı sərt şəkildə ittiham edib.