Türkiyə ordusu İraqa girdi
Yaraqlıları ələ keçirmək üçün sərhədi keçiblər
Ölkə.Az "Associated Press" informasiya agentliyinə istinadən xəbər verir ki, türkiyə quru qoşunları İraq ərazisinə daxil olublar.
Qeyd olunur ki, qısamüddətli əməliyyat PKK-ya qarşı yönəlib.
Hökumətin yaydığı məlumata əsasən, ordu qüvvələri bazar günü terror aktının törədilməsinə aidiyyatı olan yaraqlıları ələ keçirmək üçün sərhədi keçib.
Bu gün PKK-nın Naxçıvanla sərhəddə terror törətməsi nəticəsində 14 polis şəhid olub.
Sentyabrın 6-da Haqqari vilayətinin Dağlıca kəndində basdırılan partlayıcının işə düşməsi nəticəsində 16 hərbçi şəhid olub, 6 nəfər yaralanıb. Hazırda Türkiyə Silahlı Qüvvələri bölgədə geniş miqyaslı antiterror əməliyyatları aparır.
Son məlumatlara görə, iki gün ərzində Türkiyə Ordusunun qırıcıları PKK-nın 23 terror düşərgəsini tamamilə məhv edib.
Rəşid Mustafazadə
Ölkə.Az
