Qarabağ erməniləri şokda: İrəvan "haqqa çağırır" - artsax zibilliyə getdi

İrredentist ( adətən, separatçı-terrorçu deyirlər) ermənilərin teleqram kanallarının adminləri sözün əsl mənasında şoka düşmələrini gizlədə bilməyiblər. Buna səbəb Ermənistan hökumətinin atdığı addım olub.

Ölkə.Az xəbər verir ki, onlar "Qarabağa qaz verilişinin tamamilə kəsildiyi" bir vaxtda qondarma hökumətin rəsmi İrəvan tərəfindən "Dağlıq Qarabağ" adlandırmasına diqqət çəkib.

Belə ki, Ermənistan hökumətinə yaxınlığı ilə tanınan telekanalda hava xəbərləri təqdim olunarkən irredentistlərin tez-tez dilə gətirdiyi uydurma və oyuncaq olan "artsax" adından istifadə edilməyib.

Teleqram kanalları yazır ki, hazırda yanacaq ehtiyatları demək olar ki, tükənmək üzrədir və yaxın vaxtlarda yanacaqdoldurma məntəqələri fəaliyyətini dayandıracaq. Qeyd edirlər ki, sabahdan etibarən 6 saatlıq elektrik enerjisinin kəsilməsi bərpa olunacaq.

Erməni adminlərin üzüntüsü bununla bitmir. Onlar eyni zamanda, ABŞ-nin Ermənistandakı səfirinin Qarabağı Azərbaycanın tərkib hissəsi kimi gördüyü barədə bəyanıtına da işarə edərək "görəsən, hər şey bundan sonra başladı" ritorik sual veriblər.

Miri
Ölkə.Az