40 min qaçqın Macarıstana daxil olacaq

Vinsent Koçetel məlumat yayıb

Ölkə.Az xəbər verir ki, gələn həftənin sonuna qədər Macarıstana 40 min miqrant daxil olacaq.

Bu barədə BMT-nin Qaçqınlar üzrə agentliyin Avropa şöbəsinin direktoru Vinsent Koçetel məlumat yayıb. O, hökuməti qaçqınların qeydiyyata alınması proseslərini sadələşdirməyə və onlara lazım olan avadanlıq, əşyaları təqdim etməyi çağırıb.

O qeyd edib ki, ölkənin yeni qanunları BMT-nin qaçqınlarla bağlı konvensiyaya ziddir.

Xatırladaq ki, bir müddət öncə Avstriyada 70-ə yaxın qeyri-qanuni miqrantların meyiti olan yük maşını aşkar edilmişdi. Avtomobillə mühacirlər ölkəyə gətirilirib və onlarla mühacir avtomobilin qoşqusunda boğularaq ölmüşdülər. Onlar Avstriya ilə Macarıstanı birləşdirən avtomobil yolunda tapılıblar.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az