İlham Əsgərovun dəfninə aktyorlar gedə bilmədi

Bu gün Akademik Milli Dram Teatrının mərhum aktyoru, xalq artisti İlham Əsgərovun üç mərasimidir

Teatr aktyorlarının Ölkə.Az-a verdiyi məlumata görə, teatr rəhbərliyi kollektivin yas mərasimində iştirakı üçün heç bir addım atmayıb:

"Teatr avtobus ayırmadığından yas yerinə öz avtomobillərimizlə gedirik. Bütün aktyorların maşını olmadığına görə, çox adam gedə bilmədi. Cəmi beş maşın oldu ki, ona da aktyorların heç yarısı sığışmır. Bildiyimizə görə teatrın balaca avtobusu Qazax teatrına verilib, böyük avtobusu isə ümumiyyətlə görən olmayıb. Bu işləri İsrafil İsrafilov və teatrın Həmkarlar Təşkilatının sədri Elxan Quliyev görməliydi..."

Qeyd edək ki, 1958-ci ildə Masallıda anadan olan sənətkar sentyabrın 6-da beyninə qan sızması nəticəsində dünyasını dəyişib. O, doğulduğu rayonun Xoşçobanlı kəndində dəfn olunub.

İntiqam VALEHOĞLU
Ölkə.Az