Bakıda qonaq olmuş məşhur filosofdan Azərbaycana qarşı xəyanət
"Azərbaycanda daima antierməni irqçiliyi duyulur - əsəbi, ağılsız, ehtiraslı və təhlükəli"
Ölkə.Az xəbər verir ki, bu fikirləri bu ilin iyul ayında Bakıda səfərdə olmuş fransız filosof və nasir Mişel Onfre erməni-fransız "Nouvelles d'Arménie" jurnalına müsahibəsində deyib.
Onfre Azərbaycanda yaxın dostu, bəstəkar və müasir musiqilərin müəllifi Pyer Tilluanın dəvəti ilə qonaq olub. O bildirib ki, dostluq münasibətlərinə görə səfərinin bir çox təfərrüatlarını açıqlaya bilmir.
"Ancaq mən özümü olduqca diskomfort hiss edirdim", - deyə filosof əlavə edib.
Azərbaycanda antierməni irqçiliyinini duyub-duymadığı ilə bağlı suala cavab verən Onfre deyib ki, bunu hər zaman hiss edib.
"Azərbaycanda daima antierməni irqçiliyi duyulur. Bu, olduqca əsəbi, ağılsız, ehtiraslı və təhlükəli idi", - deyə filosof bildirib.
Dağlıq Qarabağın öz müqəddəratını təyinetməsi ilə bağlı suala isə Onfre qısa cavab verib. Onun fikrincə, bu, baş tutmalıdır.
"Aydındır ki, bəli", - deyə filosof əlavə edib.
Rəşid Mustafazadə
Ölkə.Az