Türkiyə Qəzzada 9 məscidi təmir edəcək

Türkiyə Qəzzada dağıdılan məscidlərin təmir işlərini öz üzərinə götürüb.

Layihə Diyanət İşləri Başçılığı tərəfindən həyata keçirilir.

Layihədə BMT, Avropa Birliyi, ABŞ və Rusiya yaxından iştirak edir. Lazımı avadanlıqların Qəzzaya daxil olması üçün İsrail rəhbərliyinə müraciət olunub, müsbət cavab əldə edilib.

Keçən il İsrailin dağıtdığı 9 məscid bərpa olunacaq.

Diyanət İşləri Başçılığı təmir ediləcək məscidlərin adlarını açıqlayıb.

Həmin məscidlər Abdulhəmid Məscidi, Həsən əl-Bənna Məscidi, Müsəlman Məscidi, Səfa Məscidi, Həmzə Məscidi, Züheyr Məscidi, Bədr Məscidi, El Buxari Məscidi və El Tövhid Məscididir.

Qeyd edək ki, Qəzzada ümumi hesabla 73 məscid İsrail hücumları səbəbindən dağıdılıb.  (Qafqazinfo)

Ölkə.Az