Sarkozi İŞİD-ə qalib gəlməyin yolunu açıqladı
"Rusiyanı İŞİD-lə mübarizəyə cəlb etmək lazımdır"
Ölkə.Az xəbər verir ki, Fransanın sabiq prezidenti Nikolya Sarkozi İŞİD terror təşkilatı ilə beynəlxalq mübarizə kampaniyasına Rusiyanın da cəlb edilməli olduğunu bəyan edib.
"Biz hesab edirik ki, Rusiya ilə yeni "soyuq müharibə" şəraitinin yaradılması ciddi səhvdir. Rusiya bizə Suriya və İŞİD məsələsində lazımdır. Biz Moskva ilə "soyuq müharibə" səhifəsini çevirməliyik. Baxmayaraq ki, bu, bizim hər şey ilə razılaşdığımız və Donetskdə baş verənlərlə razılaşdığımız anlamına gəlmir", - deyə Sarkozi "Figaro"ya müsahibəsində bildirib.
Keçmiş prezidentin fikrincə, Rusiya "Böyük səkkizliyə" qayıtmalı və ətə qoyulan embarqonu götürməlidir. O qeyd edib ki, Avropa və Moskva arasında dialoq hər iki tərəfin maraqlarına cavab verir.
Nikolya Sarkozi Fransa Respublikasının 23-cü, Beşinci Respublikanın 6-cı prezidenti olub. Fransanın dövlət başçısı kimi Andorranın knyazı və Fəxri Legion ordeninin Ali Magistridir. 6 may 2007-ci ildə seçilib və vəzifəyə həmin il 16 mayda başlayıb.
2004-cü ildən o, vəzifəyə seçilənədək hakim Xalq Hərakatı Uğrunda İttifaq (fr. Union pour un mouvement populaire, UMP) partiyasının lideri olub. 1993—1995, 2002—2004 və 2005- 2007-ci illərdə Fransa hökumətində nazir olub. Həmçinin prezident vəzifəsinə qədər O-de-Sen departamenti Baş Şurasının sədri olub.
Fransada dostları və rəqibləri arasında "Sarko" ləqəbi ilə tanınır.
Rəşid Mustafazadə
Ölkə.Az
