Türkiyədə terror aktları səngimir
3 polis və 1 dinc sakin yaralanıb
Ölkə.Az xəbər verir ki, Türkiyənin Tunceli şəhərində PKK terrorçularının polis məntəqəsinə silahlı hücumu nəticəsində 3 polis və 1 dinc sakin yaralanıb.
Yaralı polislər dərhal xəstəxanalara çatdırılsa da, onlardan biri şəhid olub. Bingöl şəhərində isə silahlılar 3 tibb işçisini 1 saatdan çox girov saxlayıblar. Silahlı şəxslər əvvəlcə yerli tibb məntəqəsinin "qaynar xəttinə" zəng vuraraq xəstələrinin olduğunu deyiblər və həmin ünvana gedən 3 tibb işçisini girov götürüblər.
Qeyd edək ki, bir müddət öncə PKK-nın Naxçıvanla sərhəddə terror törətməsi nəticəsində 14 polis şəhid olub.
Sentyabrın 6-da Haqqari vilayətinin Dağlıca kəndində basdırılan partlayıcının işə düşməsi nəticəsində 16 hərbçi şəhid olub, 6 nəfər yaralanıb. Hazırda Türkiyə Silahlı Qüvvələri bölgədə geniş miqyaslı antiterror əməliyyatları aparır.
Rəşid Mustafazadə
Ölkə.Az
