Bill Geyts təhlükə altındadır
Uorren Baffet, Çarlz və Devid Kox və Nyu-Yorkun sabiq meri Maykl Blumberq
Ölkə.Az xəbər verir ki, "Əl-Qaidə" terror təşkilatı məşhur amerikalı xadim və iş adamlarına hücum etməyə çağırış edib.
"NBC News" yazır ki, "Inspire" jurnalında yayımlanan siyahıda "Microsoft"un təsisçisi Bill Geyts, milyarderlər Uorren Baffet, Çarlz və Devid Kox və Nyu-Yorkun sabiq meri Maykl Blumberq yer alıblar.
Terrorçuların sözlərinə görə, iş adamları hesablarındakı pulları xarici ölkələrə investisiya edəcəkləri və İsraili dəstəkləməməyə çağırdıqları halda siyahıdan çıxa bilər.
Xatırladaq ki, "Əl-Qaidə" terror təşkilatı İŞİD-ə ABŞ-ın başçılıq etdiyi koalisiya qarşı mübarizədə kömək edəcəyinə söz verib.
Təşkilatın rəhbəri qeyd edib ki, imkan yaranan kimi, onun tabeliyində olan döyüşçülər Suriya və İraqda koalisiya qüvvələrinə müqavimət göstərmək üçün İŞİD ekstremistləri ilə birləşəcək.
Bununla belə əz-Zəvahiri bildirib ki, bu qərar iki qruplaşmanın birləşməsi demək deyil, və "Əl-Qaidə" əvvəlki kimi Əbubəkr əl-Bağdadini xəlif saymır.
“Biz xəlifəti tanımırıq”, - "Əl-Qaidə" lideri deyib.
Rəşid Mustafazadə
Ölkə.Az