"Ərdoğan da, kürdlər də günahkardır"

Türkiyədə PKK terroru davam edir

Son günlər Türkiyədə PKK hər gün terror aktları törədir. Terrorun nəticəsi olaraq türk əsgəri, türk polisi şəhid olur.

Türkiyədə baş verən son olayları politoloq Zərdüşt Əlizadə Ölkə.Az-a şərh edib:

"Türkiyədə insan haqları pozulur, siyasi azadlıqlar məhdudlaşdırılır. Bu baxımdan kürdlər öz hüquqlarını tələb edir. Kürdlərin tələblərinin də ifrat cəhətləri var. Bu da hakimiyyətin yürütdüyü ifrat siyasətlə bağlıdır. İki ifrat cinah böyük ziddiyyətlərə gətirir. Bu məsələlərdə Ərdoğan da, kürdlər də günahkardır. Türkiyə cəmiyyətində münaqişənin uzlaşmasına çağırılan səslər təssüff ki eşidilmir.

Bu vəziyyətdən çıxış yolu üçün barış, razılaşma, iqtisadi islahatlar, demokratik təsisastların gücləndirilməsi, türkləri, kürdləri ümumi milli mənafe, ümumi iqtisadi maraq ətrafında birləşdirmək lazımdır.

Bu hadisələrin qızışmasının səbəbi, Ərdoğanın seçkilərdə istədiyi nəticəni əldə edə bilməməsidir. Ona görə də, cığallığa başladı. Ərdoğan çalışır ki, təkrar seçkilərdə qalib gəlsin, ancaq o buna nail olmayacaq".

Qeyd edək ki, son 2 ayda Türkiyədə 100-dən çox əsgər, polis PKK terrorunun qurbanı olub.

Səxavət Məmməd
Ölkə.Az