İLK DƏFƏ: Azərbaycanlının dizayn etdiyi avtomobil təqdim olundu

165.000 dollar qiymətində bu aydan satışa çıxarılacaq

Ölkə.Az xəbər verir ki, Azərbaycanlı avtomobil dizayneri Samir Sadıxovun dizayn etdiyi "Rezvani Beast" adlı avtomobil təqdim olunub.

Gənc dizayner dizayn etdiyi avtomobili ilə özünün "Facebook" səhifəsində foto paylaşıb.

"Nəhayət, avtomobil üzərindəki tamamlama işlərini başa çatdırdım. Onu sürəndə möhtəşəm hisslər keçirirəm. Dizayn tamamilə özümə məxsusdur. Tam xəyal etdiyim kimi alınıb", - deyə Sadıxov səhifəsində yazıb.

Xatırladaq ki, məşhur amerikalı müğənni və aktyor Kris Braun azərbaycanlı dizayner Samir Sadıxovun hazırladığı yeni "Rezvani Beast" avtomobilini alıb.

"Rezvani Beast" yaraşıqlı və müasir kapotu altında iki tamamilə fərqli mühərrik yerləşir. Bunlar 315 a.g. hasil edən 2,0 litrlik turbo mühərrik 666 kq çəkisi olan avtomobili ilk "yüzlüyə" 2,9 saniyə ərzində sürətləndirir. Rizvani Beast ikinci mühərriki daha maraqlıdır. 2,4 litrlik mühərrik 500 a.g. hasil edir. Orijinal aerodinamik kuzov sayəsində supercar ilk "yüzlüyə" 2,7 saniyədə "sıçrayır".

Avtomobilin adının hərfi tərcüməsi “vəhşi heyvan” deməkdir.

Qeyd edək ki, Samir Sadıxov İtaliyanın Avropa Dizayn İnstitutunda təhsil alıb. Təhsilini bitirdikdən sonra "Lamborghini" avtomobil şirkətində dizayner kimi fəaliyyət göstərib. O, 30 dizayn universitetindən 500-dən çox tələbənin iştirak etdiyi “Ferrari World Design Contest” müsabiqəsində iştirak edərək, "Xəzri" adlı modeli ilə qaliblərdən biri olub. DACAR adlı təkər dizaynı ilə Hankook şirkətinin keçirdiyi Hankook Tyre Design Challenge 2014 müsabiqəsinin qalibi olub.

Həmyerlimizin dizaynını etdiyi yeni avtomobil Rezvani Beast 165.000 dollar qiymətində bu aydan satışa çıxarılacaq.

Rəşid Mustafazadə

Ölkə.Az