Tsipras: "Mən qayıdacam"

Baş nazir iqamətgahına qayıdacaq

Ölkə.Az xəbər verir ki, radikal sol koalisiya qüvvələrinin SİRİZA partiyasının lideri Aleksis Tsipras bu dəfə yanvarda keçirilmiş seçkilərdəkindən daha çox mandat tələb edəcək.

"Biz çox şey istəmirik. Biz sadəcə 2 mandat artıq istəyirik ki, qoltuq ağaclarına ehtiyac olmasın və sistemin girovu olmayaq", - deyə Yanina şəhərində çıxış edən Tsipras bildirib.

O qeyd edib ki, vətəninin bərpası üzərində işləri bərpa etmək üçün baş nazir iqamətgahına qayıdacaq.

Xatırladaq ki, Yunanıstanın Baş naziri Aleksis Tsipras Prezident Prokopis Pavlopulosa hökumətinin istefasını təqdim etmişdi.

Televiziya ilə xalqa müraciət edən Tsipras daha güclü hökuməti qurmaq üçün istefasını təqdim etdiyini və xalqdan bunun üçün dəstək gözlədiyini bəyan etmişdi.

Qeyd edək ki, Avropa Sabitləşdirilmə Mexanizminin (ESM) Direktorlar Şurası Yunanıstana 86 milyard avro məbləğində yardım proqramını təsdiqləmişdi.

Rəşid Mustafazadə

Ölkə.Az