Səbuhi Abbasov: Avropa Parlamentində hər qətnamənin öz “qiyməti” var
Bu sözləri Azərbaycan-Slavyan Gəncləri Assosiasiyasının (ASGA) sədri, internet media ekspert Səbuhi Abbasov Avropa Parlamentinin Azərbaycanla bağlı qəbul etdiyi qərəzli qətnaməni şərh edərkən deyib.
S.Abbasov Azərbaycanın demokratik, dinamik inkişaf edən və yüksək beynəlxalq nüfuza malik ölkə olduğunu bildirib: “ Azərbaycanda söz və məlumat azadlığınin təmin olunub, siyasi partiyaların, qeyri-hökumət təşkilatlarının və kütləvi informasiya vasitələrinin fəaliyyəti üçün zəruri şərait yaradılıb. Bu gün ölkədə onlarla siyasi partiya, yüzlərlə QHT, media orqanı heç bir maneə olmadan, sərbəst şəkildə fəaliyyət göstərir, internet azadlığı tam təmin edilib. Prezident İlham Əliyev demək olar ki, bütün çıxışlarında mültikultralizm, bəşəri dəyərlərin təbliği üçün ölkədə geniş imkanlar yaradıldını dönə-dönə qeyd edib. Eyni zamanda biz internet ölkəsiyik. İnsanlar sərbəst və azad şəkildə internetin bütün mümkün imkanlarından yararlanırlar”
Avropa Parlamentinin son qətnaməsini qəti şəkildə pisləyən QHT sədri bunun qərəzdan başqa bir şey olmadığını dedi: “Cəfəngiyyatla dolu bu qətnamənin qəbulu birmənalı şəkildə Avropa Parlamentinin regionda olan-qalan nüfuzunu da məhf etmiş oldu. Yaxın Şərqdə baş verən proseslərin xəritəsi də məhz Avropa Parlamentinin üzvü olan bəzi ermənipərəst qərb liderləri tərəfindən cızılıb. Mənzərə göz önündədi. Kifayət qədər sabitliyin hökm sürdüyü, eyni zamanda təbii sərvətlərlə zəngin ölkələr viran qalıb, əhalisi isə Avropaya üz tutaraq qaçmaq məcburiyyətində qalıblar. Hər bir vəziyyəti özlərinəməxsus şəkildə qiymətləndirən Avropa ölkələri yəqin ki, bu miqratlardan qul , donor və s. məqamlarda “yüksək” səviyyədə yararlanacaqlar. Məncə bugün əsl sanksiya tətbiq olunası ölkələr varsa da, o da Avropa ölkələridir. Dünyanın siyasi düzənini açıq hərraca çıxardaraq istənilən qətnaməni qəbul etməsi Avropa Parlamentinin iç üzünü bir daha ortaya qoymuş oldu. Avropa Parlamentində hər qətnamənin öz “qiyməti” var. Pulunu ver, yazdır. Rüşvətin, korrupsiyanın beşiyi də məhz Avropadır. Üzv ölkələrdən yığılan milyonlarla üzvlük pulunu digər ölkələrdə sabitliyin pozulmasına xərcləyən bir qurumdan demokratiya gözləmək ağılsızlıqdı. Bu mənada biz də ASGA olaraq müxəlif dillərdə Avropa Parlamentinə etiraz edəcəyik” – deyə S.Abbasov bildirib.
Ölkə.Az
