PKK şorba içən polislərə hücum etdi

Diyarbəkir vilayətində polislərə silahlı hücum təşkil edilib

Ölkə.Az xəbər verir ki, PKK Türkiyənin Diyarbəkir vilayətinin Yenişehir mahalındakı restoranda şorba içən polislərə silahlı hücum təşkil edilib.

Nəticədə 3 polis yaralanıb, bir vətəndaş isə ölüb.

Ölən şəxs Ağqoyunlu küçəsində bir restoranda ofisiantlıq edən 22 yaşlı Şeyhmus Sanır adlı şəxs olub. Təhlükəsizlik xidmətinin müdiri Adnan Taşdan xəstəxanada polis məmurlarını ziyarət edib.

Hazırda hadisə ilə bağlı istintaq aparılır və terrorçuları tutmaq üçün xüsusi qrup yaradılıb.

Dünən isə Türkiyənin Tunceli şəhərində PKK terrorçularının polis məntəqəsinə silahlı hücumu nəticəsində 3 polis və 1 dinc sakin yaralanıb.

Qeyd edək ki, bir müddət öncə PKK-nın Naxçıvanla sərhəddə terror törətməsi nəticəsində 14 polis şəhid olub.

Sentyabrın 6-da Haqqari vilayətinin Dağlıca kəndində basdırılan partlayıcının işə düşməsi nəticəsində 16 hərbçi şəhid olub, 6 nəfər yaralanıb. Hazırda Türkiyə Silahlı Qüvvələri bölgədə geniş miqyaslı antiterror əməliyyatları aparır.

Rəşid Mustafazadə

Ölkə.Az