Türkiyə Qarabağdakı “seçkiləri” qınadı

Türkiyənin Xarici İşlər Nazirliyi qondarma “Dağlıq Qarabağ Respublikasında” sentyabrın 13-də keçiriləcək “seçkilərlə” bağlı bəyanat yayıb.

Bəyanatda deyilir ki, 20 ildən çoxdur Ermənistanın işğalı altında olan Dağlıq Qarabağda keçiriləcək “yerli seçkilər” beynəlxalq hüquq normalarının, BMT Təhlükəsizlik Şurası qətnamələrinin və ATƏT prinsiplərinin açıq şəkildə pozulmasıdır.

“Bu və bənzər addımlar Dağlıq Qarabağ münaqişəsinin sülh yolu ilə həllinə nail olunması cəhdlərinə zərər verir. Ölkəmiz Azərbaycanın suverenliyi və ərazi bütövlüyünün yenidən pozulması mənasına gələn bu “seçkiləri” qınayır. Qeyri-legitim saydığımız bu seçkilər və onun nəticələri Türkiyə tərəfindən tanınmayacaq”, - bəyanatda deyilir.

Bəyanatda həmçinin qeyd olunub ki, Minsk Qrupunun üzvü olan Türkiyə Dağlıq Qarabağ münaqişəsinin ədalətli və daimi həlli yönündə cəhdlərə dəstək verməyə davam edəcək.oxu.az

Ölkə.Az