Daha bir kəndə qaz verildi

Sentyabrın 11-də Tərtər rayonunun Təzəkənd kəndinə təbii qaz verilib.

Bu münasibətlə keçirilən mərasimdə rayon ictimaiyyətinin nümayəndələri, Azərbaycan Respublikası Dövlət Neft Şirkətinin “Azəriqaz” İstehsalat Birliyinin təmsilçiləri və kənd sakinləri iştirak edib.

Çıxış edənlər ölkədə və rayonda gedən sosial-iqtisadi inkişafdan, əhalinin sosial rifah halının yaxşılaşdırılması, yaşayış məntəqələrinin qazlaşdırılması istiqamətində görülən işlərdən danışıblar.

Bildirilib ki, indiyədək Tərtər şəhəri və rayonun 26 kəndi qazla təmin olunub. Seydimli, Köçərli, Cəmilli, Sarıcalı, Borsunlu, Dəmirçilər, Sarov kəndlərində qaz çəkilişi davam etdirilir. Hacıqərvənd kəndinin qazlaşdırılmasında son tamamlama işləri görülür.

Məlumat verilib ki, 190 abonenti olan Təzəkənd kəndinin qazlaşdırılması məqsədilə birpilləli sistem əsasında 8045 metr uzunluğunda müxtəlif diametrli metal borularla daşıyıcı və məhəllədaxili qaz xətləri çəkilib, 190 ədəd sayğac və fərdi tənzimləyici quraşdırılıb.

Çıxış edən sakinlər kəndin mavi yanacaqla təmin olunmasına görə minnətdarlıqlarını bildiriblər.

Təbii qazın verilməsini bildirən rəmzi məşəl alovlandırılıb.AzərTaC

Ölkə.Az