Roma Olimpiya Oyunları 2024-ün keçirilməsi üçün ərizə verdi

Roma Yay Olimpiya Oyunları 2024-ün keçirilməsi üçün namizəd oldu.

Müvafiq ərizə Beynəlxalq Olimpiya Komitəsinə daxil olub.

Qeyd edilir ki, italyan paytaxtının meri İqnatsio Marino və ölkənin Milli Olimpiya Komitəsinin rəhbəri Covanni Mamaqo Olimpiya Oyunlarını qəbul etmək uğrunda mübarizədə iştirak üçün müqavilə bağlayıblar. Bir neçə gün öncə analoji ərizəni Hamburq vermişdi.

Beləliklə, Olimpiada-2024-ün paytaxtı adını almaq üçün indi ümumilikdə 6 şəhər: Roma, Hamburq, Paris, Toronto, Los-Anceles və Budapeşt namizəddir.

Ərizələrin qəbulunun sona çatmasına bir neçə gün qalır – sentyabrın 15-i son gündür. Oyunların keçirilməsi üçün namizədlərin yekun sayı 2016-cı ilin aprel-may ayında müəyyənləşəcək. Olimpiadanın keçiriləcəyi məkan barədə qərarı Beynəlxalq Olimpiya Komitəsi 2017-ci ildə qəbul edəcək.oxu.az

Ölkə.Az