Ziya Məmmədov Zərdabda vətəndaşları qəbul edəcək
Vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziri Ziya Məmmədov sentyabrın 18-də Zərdab şəhərində Kürdəmir, Hacıqabul və Zərdab rayonlarında yaşayan vətəndaşları qəbul edəcək.
Ölkə.Az Nəqliyyat Nazirliyinin məlumatına istinadla xəbər verir ki, vətəndaşların qeydiyyatı sentyabrın 16-da saat 09:00-dan 18:00-dək müvafiq olaraq aşağıdakı ünvanlarda aparılacaq:
- Zərdab “13 saylı Yol İstismarı İdarəsi” (Zərdab rayonu, Əlvənd magistral yolunun 3-cü km)
- Kürdəmir “14 saylı Yol İstismarı İdarəsi” (Kürdəmir şəhəri, M.P.Vaqif küçəsi-13)
- Hacıqabul “15 saylı Yol İstismarı İdarəsi” (Hacıqabul rayonu, Babək küçəsi, 28)
Ölkə.Az