Balakəndə ildırım evi külə döndərdi: ata və qızı xəsarət aldı
Balakən rayonunun Gərəkli kəndində yaşayış evi yanıb.
Ölkə.Az Fövqəladə Hallar Nazirliyinin məlumatına istinadla xəbər verir ki, kənddə vətəndaşa məxsus ümumi sahəsi 156 kv.m olan birmərtəbəli, 4 otaqlı kürsülü evin yanar konstruksiyaları və ev əşyaları yanıb.
Yanğın zamanı ev sahibi və onun azyaşlı övladı müxtəlif dərəcəli yanıq xəsarətləri alıb. Yaxınlıqdakı tikililər yanğından mühafizə olunub.
APA-nın məlumatına görə, ev ildırım düşməsi nəticəsində yanıb. Yanğın zamanı xəsarət alanlar ev sahibi Teymur Xipiyev və onun 2015-ci il təvəllüdlü qızı Olqa Xipiyevadır. Onlar Balakən Rayon Mərkəzi Xəstəxanasına yerləşdiriliblər.
Ölkə.Az