BƏƏ ordusu Yəməndən çəkilir

Husilərdən zərbə alan BƏƏ Yəməndən çəkilir

Ölkə.Az xəbər verir ki, Birləşmiş Ərəb Əmirlikləri Səudiyyə Ərəbistanının Yəmən əleyhinə yaratdığı koalisiyadan çıxacaq.

4 sentyabr "Qara Cümə" kimi tanınan onlarla BƏƏ əsgərinin öldürüldüyü gündən sonra BƏƏ xalqın təzyiqi qarşısında Yəməndən geri çəkilmə istiqamətində qərar qəbul edib. Səudiyyə strategiyasını dəyişib və Yəmənə qarşı hücumda iştirak edən BƏƏ əsgərlərinin ölkələrinə qayıdacaqları bildirilib.

BƏƏ silahlı qüvvələrinin ali komandanlığı Yəməndə Səudiyyə Ərəbistanının rəhbərliyi altında koalisiyanın həyata keçirdiyi hərbi əməliyyat zamanı 22 əsgərinin həlak olduğunu bəyan edib.

Baş verənlər barədə təfərrüatlar açıqlanmır. Bu vaxta qədər BƏƏ-dən 7 hərbçinin öldüyü barədə xəbər yayılmışdı. Onlardan ikisinin qeyri-döyüş şəraitində dünyasını dəyişdiyi deyilmişdi.

Qeyd edək ki, istefa verərək Səudiyyəyə qaçmış Yəmən prezidenti ölkə iqtisadiyyatını idarə edə bilməməkdə, Səudiyyənin göstərişləri ilə Yəmən "Əl-Qaidə"si ilə əlaqələrdə ittiham olunurdu.

Xatırladaq ki, indiyədək Səudiyyə Ərəbistanı və koalisiya qüvvələri (Küveyt, Bəhreyn, BƏƏ, Qətər, İordaniya, Pakistan, Misir, Sudan) Yəmən ərazisinə çoxsaylı insan tələfatı və ölkənin infarstrukturunun dağılması ilə nəticələnən hava hucumları keçirib.

Rəşid Mustafazadə

Ölkə.Az