Kirayə yolu ilə satılan mənzil fondu azalır - Rəqəmlər

“Ölkə.Az” xəbər verir ki, sözügedən dövrə Fondun cəmi aktivləri 2 542 mln manat təşkil edib. Bu isə ötən ilin ilk yarısı ilə müqayisədə 16,4% çoxdur.

Aktivlərin tərkibində ipoteka kreditləri 1 866 mln manat olub ki, bu da illik müqayisədə 18,9% çoxdur. Satmaq öhdəliyi ilə kirayə üçün yaşayış sahələri fondu isə 15% azalaraq 189,646 mln manata enib.

İKZF-nin cəmi öhdəlikləri ötən ilin ilk yarısı ilə müqayisədə 1 481 mln manata yüksəlib.

İpoteka və Kredit Zəmanət Fondunun nizamnamə kapitalı illik müqayisədə 11,9% artaraq 893 mln manata, kapital ehtiyatları 10% artaraq 112,916 mln manata, mənfəəti isə 17% artaraq 121,578 mln manata yüksəlib, dövlət büdcəsindən daxil olmuş vəsaitləri isə 7,7% azalaraq 43,850 mln manata enib. 

Nəticədə Fondun cəmi kapitalı illik müqayisədə 10,8% artaraq cari ilin ilk yarısında 1 061 mln manata yüksəlib.

Könül
Ölkə.Az