Egey dənizində iki qayığın batması nəticəsində 4-ü uşaq 5 nəfər həyatını itirdi

Egey dənizində qeyri-qanuni yollarla Yunanıstana getmək istəyən işçilərin içində olduğu iki qayığın batması nəticəsində 4-ü uşaq 5 nəfər ölüb.

AZƏRTAC Anadolu agentliyinə istinadla xəbər verir ki, hadisə Sisam və Midilli adası sahillərində baş verib. İlkin məlumatlara görə, Yunanıstan sahil mühafizə orqanları Sisam adası sahillərində quruya çaxmağa çalışan 24 nəfəri xilas edib. Qayıqda olan 4 uşağın dənizdə boğulduğu və bununla bağlı axtarış əməliyyatlarının başlandığı bildirilir. Xilasetmə əməliyyatları Yunanıstan sahil mühafizə orqanlarına məxsus üç gəmi və bir vertolyotla davam etdirilir.

Midilli adası sahillərində isə içində 33 nəfərin olduğu qayığın batması nəticəsində bir nəfər boğularaq ölüb.

Qaçqın axınının yaşandığı Yunan adalarında qaçqınların gəmilərlə sahilə daşınması davam edir. Midilli adasından son beş gündə 31 min 753 qaçqının Afina limanına gətirildiyi bildirilir.

Ölkə.Az