YAP namizədlərini açıqlayacaq

Bu gün YAP-ın siyahısının açıqlanacağı gözlənilir.

Ölkə.az-a etibarlı mənbədən daxil olan məlumata görə, hakim Yeni Azərbaycan Partiyası qarşıdan gələn Parlament seçkilərində iştirak edəcək namizədlərinin siyahısını açıqlayacaq.

Mənbə bildirir ki, partiya rəhbərliyində siyahının son tamamlama işləri görülür və bu gün irəliləyən saatlarda ictimaiyyət YAP-ın namizədlərinin kimlərdən ibarət olduğunu biləcək. Siyahıda kimin qalıb-qalmadığı, YAP-ın parlament fraksiyasında yeni simaların kimlər olacağı bu gün bilinəcək.

Xatırladırıq ki, bu ilin noyabr ayının 1-də Azərbaycanda Parlament seçkiləri keçiriləcək və artıq MSK-ya 500-dən çox namizəd müraciət edib. Analitiklərin fikrincə bu seçkilərdə əvvəlki illərə nisbətən siyasi mübarizə daha da qızğın olacaq.

Ölkə.az