Bir gündə iki nəfəri cərəyan vurdu

Şəkidə bədbəxt hadisə baş verib. Cumakənd kənd sakini cərəyanvurma nəticəsində dünyasını dəyişib.

Cumakənd sakini Asif Məmmədovun  verdiyi məlumata görə, kənd sakini 1970- ci il təvəllüdlü Sadiq Mirzəli oğlu Məmmədov qardaşına məxsus evdə, elektrik naqillərini dəyişərkən onu cərayan vurub.

Hadisə baş verən vaxt Sadiq Məmmədov evdə tək olub. Onun ölümünü ailə üzvləri evə gəlmədiyini görüb qardaşının evinə getdikdə biliblər. Ailə üzvləri mərhumun iş gördüyü evə çatdıqda o artıq keçinibmiş.

Meyit məhkəmə tibbi ekspertizadan sonra ailəsinə təhvil verilib.

Faktla bağlı Şəki rayon Prokrorluğunda cinayət işi açılıb, araşdırma aparılır.

Oxşar hadisə Şəmkirdə də baş verib. Rayon sakini Rövşən Mustafayev torpaq sahəsini suvararkən elektrik cərəyanı vurması nəticəsində ölüb.

Faktla bağlı Şəmkir rayon Prokrorluğunda cinayət işi açılıb. (ans)

Ölkə.Az