BDU-da plan yeri artıb, 3 yeni ixtisas açılıb
2023/2024-cü tədris ilində Bakı Dövlət Universitetində bakalavriatura səviyyəsinə qəbul planı artıb.
Bu barədə Ölkə.Az-ın sorğusuna cavab olaraq BDU-dan məlumat verilib. Bildirilib ki, 2023/2024-cü tədris ilində bakalavriatura səviyyəsinə 5660 plan yeri ayrılıb. Onlardan 4390 yer Azərbaycan, 765 yer rus, 505 yer isə ingilis bölməsi üzrədir. Ötən il bu rəqəm 5351 yer olub.
Qeyd edək ki, BDU-nun bakalavriaturasında 16 fakültədə 75 ixtisas üzrə mütəxəssis hazırlığı həyata keçirilir. 2023/2024-cü tədris ilində BDU-da bakalavritura səviyyəsi üzrə 3 yeni ixtisas (Statistika, Meliorasiya mühəndisliyi, Muzey, arxiv işi və abidələrin qorunması) açılıb.
