Avto FM-dən “Şirin çay” yeni mövsümə başlayır!

Avto FM-də “Şirin çay” verilişi yeni mövsümə başlayır.

Yeni mövsümdə Fərid Rzayev, Cavid Nemətzadə və Ülviyyə Ağayevanın təqdimatında fərqli formatda həftə içi beş gün səhər saat 08:00-dan 11:00-a kimi efirə gedəcək əyləncə və informasiya xarakterli “Şirin çay” verilişində müxtəlif rubrikalar, dinləyicilərə ötən gün ərzində dünyada baş verən maraqlı hadisələr, faktlar, musiqi və mədəniyyət aləmindən olan yeniliklər təqdim olunacaq. 

“Şirin çay” verilişində məzmun və fərqlilik baxımından dinləyicinin maraqlarına cavab verən rubrikalar əsasən informasiya yüklüdür. Bununla yanaşı veriliş boyunca musiqilər də səsləndiriləcək. 

Verilişə qoşulmaq üçün *1077 nömrəsinə zəng və ya bütün mobil operatorlardan 1077 nömrəsinə SMS göndərmək kifayətdir. 

Qeyd edək ki, iki ilə yaxındır ki, fəaliyyət göstərən Avto FM 107.7 radiosu dinləyicilərə müxtəlif səpkili proqramlar təqdim edir. Yeni mövsümdən isə radio daha maraqlı və rəngarəng layihələrlə onların görüşünə gələcək.