Dünyanın ən təhlükəli 10 şəhəri

Alman Alfred-Wegener İnstitutu dünyanın ən təhlükəli 10 şəhərini müəyyənləşdirib.

Geoloq Johann Klages tərəfindən hazırlanan siyahı zəlzələ, sunami, vulkan partlaması kimi təbii fəlakətlər üzrə sırlananıb.

Sözügedən siyahını təqdim edirik:

1.Tokyo: Əhali 38 milyon

Bura dünya səviyyəsində ən ağır zəlzələlərin olduğu bir bölgədir. 1703-ci ildə yaşanan böyük zəlzələdə 100 mini aşan insan həyatını itirib.

2.Osaka/Kobe: Əhali 11 milyon

Tokio kimi eyni təhlükəli zəlzələ xəttində yerləşir. Burada son böyük zəlzələ 1995-ci ildə baş verib və 6 mindən çox insan dünyasını dəyişib.

3.Cakarta: Əhali 30 milyon

Cakartada zəlzələ bölgəsində yerləşir. Cakartanın böyük bir hissəsi  dəniz səviyyəsindən aşağıda yerləşir. Şəhərdə  sunami nəticələrinin ağır olması gözlənilir.

4.Nagoya: Əhali 2,5 milyon

Nagoya da Tokio və Kobe kimi Yaponiyanın zəlzələ bölgəsində yerləşən şəhərlərindən biri hesab olunur.

5.Los Angeles: Əhali 12,8 milyon

Los Angeles əhəmiyyətli bir zəlzələ fay xətti üzərində olan şəhərlər sırasındadır. Bölgədə çox sayda nüvə stansiyaları da var.

6.San Francisco: Əhali 4,5 milyon

San Francisco da zəlzələ qurşağı üzərində yerləşir. 1906-cı ildə baş verən son böyük zəlzələdə 3 minə yaxın insan ölüb. Mütəxəssislərin sözlərinə görə, şəhərdə hər an yeni bir zəlzələ ola bilər.

7.Tehran: Əhali 8,5 milyon

İranın paytaxtı zəlzələ fay xəttinin üzərində olan bir başqa şəhərdir. Tez-tez baş verən zəlzələlərlə yanaşı strukturların zəlzələyə qarşı kifayət qədər dayanıqlı olmaması burada təhlükəni artırır.

8.Manila: Əhali 11,9 milyon

Manila da eyni şəkildə böyük zəlzələ təhlükəsi olan şəhərlərdən biridir. Sıx əhali və etibarlı binaların azlığı səbəbiylə risk böyükdür.

9.İstanbul: Əhali 14,3 milyon

İstanbul Asiya və Avropa faylarının üzərində yerləşir. İstanbulda 2025-ci ilə qədər böyük bir zəlzələ yaşanması ehtimalı olduqca yüksəkdir. Burada da sıx əhali və binaların zəlzələyə qarşı dayanıqsız olması, təhlükəni artırır.

10.Napoli: Əhali 1 milyon

İtalyan metropolunun altında böyük bir maqma yatağı mövcuddur. Mütəxəssislər təzyiq altında olan maqmanı vulkan olaraq xarakterizə edir. Şəhərdə yer qabığı hər il dəyişir. Şəhərdə yaxın vaxt ərzində böyük vulkan partlayışı olacağı ehtimal olunur. (Qafqazinfo)

Ölkə.Az