Özünüzü yaxşı hiss etmək üçün qəbul etməli olduğunuz 13 həqiqət

Ölkə.Az xəbər verir ki, bir çox insan özünü yaxşı hiss etmək üçün başqalarını dəyişməyə çalışır və ya hər kəslə yaxşı yola getməyə çalışır. Bu da son nəticədə neqativ hislərə qapılmamıza səbəb olur. Klinik psixoloq Fuad Əsədov hesab edir ki, insanların özünü yaxşı hiss etməsi üçün 13 həqiqəti qəbul etməsi lazımdır:

1. Hər zaman etdiyiniz işdə yaxşı olmayacaqsınız. Zaman-zaman işləri batıracaq və ortalamanın aşağısında qalacaqsınız. 
2. Hər zaman gözəl görünə bilməzsiniz. 
3. Hər şeyi kontrol edə bilməzsiniz. Bəzi şeyləri axışına buraxmağınız lazımdır. 
4. Özünüzü başqaları ilə müqayisə etmək həm mənasız, həm də zərərli davranışdır. 
5. Sizə pis davranan insanların etdikləri sizlə yox, öz mənəviyyat və tərbiyələri ilə bağlıdır. 
6. Hər insanla yola gedə bilməzsiniz. Nə etsəniz də, bəzi insanların xoşuna gəlməyəcəksiniz. 
7. Tənqidçi insanların təqdirini qazanmağa çalışmaq beyhudədir. Onlar hər zaman tənqid edirlər. 
8. Başqa insanları dəyişməyin bir yolu yoxdur. Özümüzü dəyişə bilərik və bu zaman möcüzəvi şəkildə başqaları da dəyişir. 
9. Zaman-zaman pis şeylər yaşayacaqsınız. Bu normaldır və hər kəsin başına gəlir. 
10. Bir reallığın olduğundan fərqli olmasını tələb etmək və belə bir gözlənti qurmaq əzabı artırır. 
11. Bir probleminiz varsa onu yaşadığınız emosional halda həll edə bilməzsiniz. Rasional və soyuqqanlı yanaşma lazımdır. 
12. Heç bir insan və heç bir şey tamamilə pis və tamamilə yaxşı deyil. 
13. Dəyişdirə bilmədiyiniz şeylərlə mübarizə aparmaq vaxt itkisidir. 

Billurə