Əməkdar artist adına layiq görülən ifaçı: “Eşidəndə inanmadım”

Azərbaycan Respublikasının Prezidenti İlham Əliyev mədəniyyət xadimlərinə fəxri adların verilməsi haqqında sərəncam imzalayıb

Onların sırasında muğam ifaçısı Bəyimxanım Vəliyevanın da adı var. Azərbaycan mədəniyyətinin inkişafındakı xidmətlərinə görə Əməkdar Artist fəxri adına layiq görülən ifaçı sevincini media ilə bölüşüb. Bəyimxanım jurnalistlərə açıqlamasında qeyd edib ki, bu fəxri ad onun üçün gözlənilməz oldu: “Bu xəbəri eşidəndə inanmadım. Hər bir sənətçi üçün bundan böyük sevinc, güc və stimul ola bilməz. Məsuliyyətim daha da artdı. Mən Dövlət başçımız İlham Əliyevə, birinci xanım Mehriban Əliyevaya, Mədəniyyət və Turizm Naziri Əbülfəz Qarayevə və sənətimə qiymət verən hər kəsə sonsuz təşəkkürümü bildirirəm. Bütün ad alan sənət yoldaşlarımı da təbrik edirəm”. 

Onu da vurğulayaq ki, Bəyimxanım Vəliyeva bu tədris ilindən etibarən Azərbaycan Milli Konservatoriyasında müəllim kimi çalışacaq.

Ölkə.Az