Ebola geri döndü

Yoluxmalar qeydə alınıb

Ölkə.Az xəbər verir ki, Syerra-Leoneda 16 yaşlı qız Ebola virusundan dünyasını dəyişib.

Bu barədə məlumat Ebola virusu ilə mübarizə üzrə milli mərkəz tərəfindən verilib. Mərkəzin məlumatına əsasən, 16 yaşlı qız ölkənin Makeni şəhərində International Medical Corps (IMC) tibb mərkəzində dünyasını dəyişib.

Ötən həftə Syerra-Leonenin şimal-qərbindəki Kambia şəhərində Ebolaya 3 yoluxma halının aşkarlandığı deyilmişdi.

Ebola keçici Ebola hemorragik qızdırmasının səbəbi olan virusdur.

Virus tər, qan, tüpürcək yolu ilə yayılır. Virusun qarşısını almaq üçün heç bir vaksin mövcud deyil. Xəstəliyin simptomları qızdırma, baş ağrısı, qusma və izhaldır. Bəzi insanlarda göz, qulaq və burun qanaxmaları müşahidə edilir.

Keçmişdə bu virusun yayılması 2012-ci ildə qeydə alınıb ki, həmin vaxt Uqanda və Konqoda 57 nəfər ölüb. 2007-ci ildə isə Konqoda virus 187 nəfərin həyatına son qoyub. Virusun ən son yayılması 2014-cü ildə olub.

Ölkə.Az