Türk nazirdən şok: İstanbulda zəlzələ olarsa...

“İstanbul bizi qorxudur. İstanbulda 7 bal və ondan yuxarı zəlzələ olarsa,  o zaman 6 milyon evdən hər onundan biri uça bilər. Yəni 600 min ev uça bilər ki, bu da çox təhlükəlidir”.

“Ölkə.Az” xəbər verir ki, bunu Türkiyənin ətraf mühit, şəhərsalma və iqlim dəyişikliyi naziri Mehmet Özhaseki NTV kanalında deyib.

Nazir Türkiyə tarixində fevral ayında baş verən ən böyük zəlzələni xatırladıb və bunu Anadolu sivilizasiyasının min illik tarixində başlarına gələn ən böyük fəlakət adlandırıb. 

Türkiyəli alimlər etiraf edirlər ki, 2030-cu ilə qədər İstanbulda və Qara dəniz regionunda 7 baldan yuxarı zəlzələ baş verə bilər və onun nəticələri bütün ölkəyə təsir edəcək. Bu qiymətləndirməni İstanbul meriyasının zəlzələ məsələləri üzrə Alimlər Şurasının üzvü olan seysmoloq Haluk Eyidoğan verib. Proqnoz bu regionda son 2 min il ərzində baş vermiş zəlzələlərin tarixinə və geofiziki və seysmik tədqiqatların nəticələrinin təhlilinə əsaslanaraq seysmoloq onun ehtimalını 50% qiymətləndirib.

Nazir onu da bildirib ki, İstanbuldakı 6 milyona yaxın evdən 1,5 milyonu təhlükə altındadır. 

O həmçinin ola biləcək zəlzələ ilə bağlı İstanbul üçün xüsusi qanun hazırlandığını da qeyd edib.

Mürtəza
Ölkə.Az