ABŞ-də yeni virusa görə məcburi maska tələbi tətbiq olundu - Bəzi yerlərdə

Dünya bu dəfə “Omicron”nun alt variantı “Eris” üçün təşvişə düşüb. 

Ölkə.Az “Haberler.com”a istinadla xəbər verir ki, yeni xəstəliyə görə halların sayının artdığı ABŞ-də ardıcıl məcburi maska tədbirləri dünya gündəminə daxil olub.

Belə ki, Atlantada yerləşən “Morris Brown” Kolleci maska tələbini yenidən tətbiq etdiklərini açıqlayıb. Açıqlamada universitet rəhbərliyi maska taxmağın 14 gün müddətində məcburi olduğunu vurğulayıb. Kampusda məsafə qaydalarına riayət etməyi xahiş edib.

Oxşar qərar “John Wick” və “The Hunger Games” kimi filmlərin istehsalı ilə məşğul olan Hollivud studiyasıdan gəlib. Şirkət işçilərdən maska taxmağı tələb edib. Şirkət həmçinin son 10 gündə xaricə gedən işçilərinin ofisə gəlməməsini bildirib.

Eris virusunun əsas simptomları boğaz ağrısı, burun axması, asqırma, bəlğəmsiz öskürək, başağrısı, bəlğəmli öskürək, səsin kəsilməsi, əzələ ağrıları və qoxu bilmə hissinin dəyişməsidir. Ancaq nəfəs darlığı, qoxu itkisi və qızdırma əsas əlamətlər arasında sayılmır.

Günay