Nəqliyyat Nazirliyinin bütün qurumları gücləndirilmiş iş rejiminə keçdi

15 sentyabr yeni tədris ilinin başlanması ilə əlaqədar Nəqliyyat Nazirliyinin bütün qurumları gücləndirilmiş iş rejimində çalışır

Nəqliyyatı İntellektual İdarəetmə Mərkəzindən AZƏRTAC-a bildirilib ki, bu gün NİİM-in 141 qaynar xəttinə 07:00-dən 11:00-a kimi sorğu xarakterli 100-dən çox zəng daxil olub. Səhər saatlarında orta məktəblərin qarşısındakı bütün yollarda həddindən artıq sıxlıq müşahidə olunub. Bir neçə gün öncədən, dəfələrlə valideynlərə, sürücülərə müraciət edilməsinə baxmayaraq sürücülər yenə də avtomobillərini məktəblərin yanında park etməsi yolda uzun müddətli sıxlığın yaranmasına səbəb olub. Sıxlıq xüsusilə paytaxtın Azadlıq, Nəriman Nərimanov, Təbriz, Neftçilər, İnşaatçılar prospekti, Bakıxanov, Həsən Əliyev,Yusif Səfərov, Koroğlu Rəhimov küçələrində müşahidə olunub. Gücləndirilmiş iş rejimi ilə çalışan nazirliyin qurumlarının səyi nəticəsində hazırda paytaxtın küçə və prospektlərində nəqliyyatın hərəkəti normaldır.

Ölkə.Az