Jurnalistin atasının ölümü ilə bağlı şok xəstəxana qalmaqalıxa0 - RƏSMİ AÇIQLAMA

Ölkə.Az xəbər verir ki, o, Şəkidə halı pisləşən atası üçün çağırışa təcili yardım gəlmədiyini bildirib.
Jurnalist  deyir ki, Şəkidə müraciət etdikləri klinikada da səhlənkarlıq edilib və infarkt keçirən xəstəyə lazımi müdaxilələr olunmayıb.
S.Vaqifqızı bildirir ki, atasını Mingəçevirdən çağırdıqları təcili tibbi yardım maşını ilə Baku Medical Plazanın Babək filialına çatdırıblar. Jurnalist iddia edir ki, ondan xəstəxananın xidmətlərindən narazı qaldıqları halda bunu heç bir sosial şəbəkə hesabında, KİV-də paylaşmayacağına dair vərəq imzalamaq tələb olunub.

Atasının 13 gün bu xəstəxanada yatılı müalicə aldığını deyən jurnalistə pasiyentin Yeni Klinikada 4-5 gün yatılı müalicə alması məsləhət görülüb. S.Vaqifqızı iddia edir ki, Yeni Klinika “reanimasiyada yer yoxdur” deyərək xəstəni qəbul etməkdən imtina edib.

Onun sözlərinə görə, növbəti dəfə həkim məsləhəti ilə atasını yerləşdirdikləri 5 nömrəli xəstəxanada da səhlənkar münasibət göstərilib, dərmanları vaxtlı-vaxtında verilməyib.

Daha sonra bu xəstəxanadan atasını çıxarmaq istəyərkən çətinliklə üzləşdiyini deyən jurnalist bildirib ki, atası növbəti dəfə başqa xəstəxanaya yerləşdirilib və 17 günlük müalicədən sonra ürəyi dayanıb.

Səsləndirilən ittihamlarla bağlı Tibbi Ərazi Bölmələrini İdarəetmə Birliyinə (TƏBİB) sorğu ünvanladıq. Qurumdan Ölkə.Az-ın sorğusuna cavab olaraq məsələnin araşdırıldığı deyildi:
“Jurnalistin atasının ölümü ilə bağlı qeyd etdiyi və TƏBİB-in tabeliyində fəaliyyət göstərən tibb müəssisələrinin adı keçdiyi məqamlar rəhbərliyin nəzarəti ilə tərəfimizdən araşdırılır.

Araşdırmanın nəticəsi barədə məlumat veriləcək”, - deyə cavabda bildirilib.

Billurə Yunus