15 yasa getmişəm, ölənlərin hamısı cavandır - SOS çağırışı
“İmişlidə 15 yas məclisində iştirak etdim. Hər dəfə gəldiyim nəticə ondan ibarətdir ki, vəfat edənlər cavan yaşındadırlar”.
Ölkə.Az xəbər verir ki, bu sözləri millət vəkili, Milli Cəbhə Partiyasının sədri Razi Nurullayev deyib. O bildirib ki, son illər isə ən çox onkoloji və ürək xəstəlikləri çoxluq təşkil edir:
“İki nəfər cavan xanım heç 40 yaşlarına çatmamış onkoloji xəstəlikdən vəfat edib. Birinin dörd, o birinin üç kiçik körpələri qalıb. Ürək dağlayan mənzərədir.
Ölümlər və xəstəliklər çox cavanlaşıb. Həyəcan siqnalı çalmaq zamanıdır. Həm də gərək tibbi əlçatanlığı artıraq".
Deputat həmçinin pensiya yaşının azaldılmasını təklif edib:
"Bir də pensiya yaşını artırmaq yox, azaltmaq lazımdır. İldən-ilə pensiya alanların sayının azalacağını proqnoz edirəm. Ciddi addımlar atmalıyıq”, - deyə o əlavə edib.
Billurə
