"Deputatlarımızı tanıyaq" silsiləsindən

Ölkə.az Milli Məclisin deputatları, onların həyatı haqqındakı silsilə yazılarını davam etdirir.

Saytımızın bugünkü materialında oxucularımıza ictimaiyyətin yaxşı tanıdığı deputat Səməd Seyidov haqqında danışacağıq.

Seyidov Səməd İsmayıl oğlu — Psixologiya elmləri doktoru, professordur. Beynəlxalq Psixoloqlar Assosiasiyasının üzvüdür.

Səməd İsmayıl oğlu Seyidov 1964-cü il yanvarın 18-də Bakı şəhərində anadan olmuşdur. Leninqrad Dövlət Universitetinin psixologiya fakültəsini bitirmişdir.

1981-1986-cı illərdə Leninqrad Dövlət Universitetinin psixologiya fakültəsində təhsil almışdır.

Psixologiya elmləri doktoru, professordur. Beynəlxalq Psixoloqlar Assosiasiyasının üzvüdür.

1986-cı ildən Azərbaycan Pedaqoji Xarici Dillər İnstitutunda laborant, baş laborant, müəllim, baş müəllim, tədris işləri üzrə prorektor vəzifələrində çalışmışdır. 2000-ci ildən Azərbaycan Dövlət Dillər Universitetinin rektorudur.

İkinci çağırış Azərbaycan Respublikası Milli Məclisinin deputatı olmuşdur.

Milli Məclisin Beynəlxalq münasibətlər və parlamentlərarası əlaqələr komitəsinin sədridir. Azərbaycan-ABŞ parlamentlərarası əlaqələr üzrə işçi qrupunun rəhbəri, Azərbaycan-Qazaxıstan, Azərbaycan-Səudiyyə Ərəbistanı parlamentlərarası əlaqələr üzrə işçi qruplarının üzvüdür.

Avropa Şurasının Parlament Assambleyasında Azərbaycan nümayəndə heyətinin rəhbəridir.

Evlidir, 2 övladı var.

Rusdilli, ana dilində ləhcə ilə danışan Səməd Seyidovun əslində hansı nəsildən olduğunu çoxları bilmir. Həmişə ingilis və ya rus dilində danışdığına alışdığımız Səməd Seyidov məşhur Nəqşibəndi təriqətinin tanınmış şeyxlərindən Hacı Mahmud Əfəndinin nəvəsi və onun nəslinin ən tanınmış davamçısıdır. Səməd Seyidovun ulu babası isə məşhur sufi şeyxi Veysəl Qaranidir. Nəqşibəndi təriqətinin adətlərinə görə, şeyxlik nəsildən-nəsilə keçdiyindən, hazırda Səməd Seyidovun bu təriqətin Azərbaycanda ən görkəmli nümayəndəsi olduğunu deyə bilərik.

Arayış:

Hacı Mahmud Əfəndi və ya Mahmud əfəndi İncəvi

Atası məşhur sufi şeyxi Veysəl Qarani

Doğum tarixi: 1835

Doğum yeri: Aslanbəyli, Qazax

Vəfatı: 1891

Vəfat yeri: Aslanbəyli, Qazax

İstiqaməti: Nəqşibəndi

Əsas maraqları: Təsəvvüf

Sələfləri: Mir Həmzə Nigari, Ömər Xəlvəti

Xələfləri: Dədə Ömər Rövşəni, Pir Şükrüllah Ənsari, Əlaəddin Rumi, Həbib Qaramani

Vətəndaşlıq: Qazax qəzası, Azərbaycan

Peşəsi: Şair, təsəvvüf alimi

Hacı Mahmud Əfəndi, Seyid Mir Həmzə Nigarinin seçkin xəlifələrindən olub. Sufi təriqətətinin, Nəqşibəndi silsiləsində, altun silsilədə 33-cü şeyxdir. Hacı Mahmud Əfəndi ilk təhsilini atası Veysəl Qaranidən almış, ərəb və fars dillərini mükəmməl öyrənmişdi. O, müəyyən müddət Şəkidə təhsil almışdır. Hacı Mahmud Əfəndi təhsilini tamamladıqdan sonra yenidən Aslanbəyliyə qayıdır. Burada elmi bilikləri tədris etmək üçün hücrə tikdirir. Onun ətrafına yaxın və uzaq yerlərdən çoxlu sayda tələbələr toplaşır. 1863-cü ilin rəsmi rus hərbi sənədində incəli Mahmud Əfəndinin adı Tiflis quberniyasının müridləri içərisində qeyd olunur. Amasya-Azərbaycan mədəniyyəti öncülləri arasında Hacı Mahmud Əfəndidən də qabaq "İncə Dərəsi"ndən Amasyaya getmiş elm insanları da olmuşdur. Amasyada Azərbaycan türklərinə məxsus "Şirvanlılar Camisi" Hacı Mahmud Əfəndinin Azərbaycandan, xüsusən qazaxlı ağa və bəylərdən topladığı paralarla Mir Hasan Əfəndinin (Həmzə Nigarinin oğlu) nəzarətində inşa edilmişdir. Hacı Mahmud Əfəndinin Şeyx Şamillə də çox yaxın münasibətləri olub. Belə ki, hər ikisi də Mövlana İsmayıl Səracəddin Əfəndinin (1782-1853) müridi olaraq Nəqşibəndi təriqətinin "Xalidi" qolunun yayıcısı olmuşlar. Hacı Mahmud Əfəndi Amasyada və Azərbaycanda çox sayılıb seçilən, dini dərindən bilən övliyya kimi qəbul edilib. Amasyada yaşayan həmyerlilərinin demək olar ki bütün problemlərini həll etməyə qadir insan olub. Mahmud Əfəndi uşaqlarını Amasyada təhsil üçün saxlamış və özü Aslanbəyli kəndinə dönmüş və bir müddət sonra Həcc ziyartinə getmişdir. Hacı Mahmud Əfəndi 1891-ci ildə vəfat etmişdir. Vəfatından az əvvəl rus məmurları tərəfindən ona yenidən Osmanlı dövlətinə köçmək tövsiyə olunmuşdur. Hacı Mahmud Əfəndi Aslanbəyli kəndində dəfn olunmuş, müridəlrinin vəsaiti və köməkliyi hesabına qəbri üzərində türbə ucaldılmışdır. Türbənin içərisində iki qəbir vardır. İkinci qəbir Seyid Yasin adlı sufiyə məxsusdur. O, bu kəndə gəlmə olmuş, Hacı Mahmud Əfəndi tərəfindən hörmət görmüşdür. Hacı Mahmud Əfəndinin məzar daşında "Ya Allah, Ya Seyyid Nigari, Ya Hz. Mövlanə" və şeyxin öz adı yazılmışdır.

Hacı Mahmud Əfəndinin Qazaxdakı türbəsində yerləşən məzarı

Ölkə.az