Diqqətli olun! Sosial şəbəkələrdə belə aldadıla bilərsiniz - FOTO
Ölkə.Az xəbər verir ki, sosial şəbəkədə dələduzların qurbanı olanlardan biri də 27 yaşlı xanımdır. Adının açıqlanmasını istəməyən xanım redaksiyamıza bildirib ki, internetdə 367 min izləyicisi olan səhifələrdən birindən divan sifariş edib.
Şikayətçinin sözlərinə görə, “evinizin.bezeyi” adlı səhifə ilə instaqramdan direkt vasitəsilə əlaqə saxlayıb. Xanımdan 90 manatlıq divan üçün 36 manat ilkin ödəniş tələb olunub. Qeyd edilib ki, çatdırılma ünvana olacaq və geri qalan məbləğ də həmin zaman ödənilməlidir.
Xanım karta 36 manat ödəniş etdikdən sonra onunla əlaqə saxlayan olmayıb. Şikayətçi deyir ki, ona məhsulun 3 gün ərzində çatdırılacağı deyilsə də, artıq həmin vaxtdan 2 həftə ötməsinə baxmayaraq mesajlarına cavab verən yoxdur.
Maraqlıdır ki, sözgüdən səhifənin 367 min izləyici olsa da, səhifənin şərh bölümü rəylər üçün bağlıdır və heç bir əlaqə nömrəsi qeyd ediməyib.
Zərərçəkən səhifəyə mesaj yazaraq onları polisə şikayət edəcəyini desə də, faydası olmayıb.
Daha sonra zərərçəkən eyni divanı başqa bir səhifədə 940 manata görüb.
Səhifənin məhsulları olduğunan qat-qat ucuz məbləğdə təklif etməklə insanların diqqətini çəkdiyi, ödəniş olunduqdan sonra isə yoxa çıxdıqları güman edilir.
Daxili İşlər Nazirliyindən isə vətəndaşlara tanımadıqları şəxslərə və etibar etmədikləri şirkətlərə onlayn qaydada ödəniş etməmək tövsiyə olunub.
Billurə Yunus
