Elton John Putinə zəng vurdu

Britaniyalı musiqiçi Ser Elton John özünün instagram səhifəsində yazıb ki, Rusiya prezidenti Vladimir Putin ona zəng edərək LGBT (lesbiyan, gey, biseksual və trans-seksual) məsələsini müzakirə etməyə dəvət edib.

Müsahibə verən Elton Rusiya prezidentinin gey haqlarına münasibətini gülünc adlandırıb və onu tənqid edib.

Müsahibə zamanı o, mövzunu müzakirə etmək üçün Vladimir Putinlə görüşmək istədiyini bildirib.

Keçən il Human Rights Watch təşkilatının hesabatına görə, Rusiyada homofobik zorakılığın qarşısı alınmayıb və ölkədə azlıqlara qarşı hücumların sayı artır.

Elton deyib ki, o Putinlə danışmağa hazırdır, hətta “arxamca gülsə... və məni axmaq adlandırsa” belə...
Ukraynaya səfər etmiş musiqiçi prezident Petro Poroşenko ilə görüşüb və ölkədə LGBT icmasına güclü dəstək göstərilməsinə çağırıb.

Elton John həmçinin iş adamları ilə görüşərək onları LGBT əməkdaşlarını işdən çıxarmamağa dəvət edib.

Rusiya 2013-cü ildə “azyaşlılar arasında homoseksual davranışı” təbliğ edən fərdlərin mühakiməsini nəzərdə tutan qanun qəbul edib.

Elton bu addımı və keçən il cənab Putinin, geylərin uşaqları hədəf aldığına dair şərhini tənqid edib.
“Siz Rusiyanın prezidentisiz və gedib belə axmaq şeylər danışırsız?”,- Elton deyib.

O bildirib ki, Putinin geylərə münasibəti qərəzlidir və gülüncdür.

“Mən Putinlə görüşmək istəyirəm,” Elton John BBC-nin diplomatik müxbiri Bridget Kendall-a bildirib. (BBC Azərbaycan)

Ölkə.Az