Moldova yenidən qarışdı

Rəhbərliyin istefasını tələb edirlər

Ölkə.Az xəbər verir ki, Moldovanın paytaxtı Kişinyovda yüzə yaxın şəxs prezidentin iqamətgahı qarşısında etiraz aksiyasına başlayıblar.

Əvvəlki aksiyalarda olduğu kimi, bu dəfə də etirazçılar prezident Nikolay Timofti və bütün rəhbərliyin istefasını tələb edirlər.

"Bütün dövlət sistemi çürüyübş Hökumət oliqarxlardan asılıdır, onlar isə ölkəni talan etməyə davam edir. Prezident susaraq baş verənləri izləyir. Biz ölkə rəhbərliyi, antikorrupsiya mərkəzi, MSK, Milli bank, Baş prokurorluq, Ali məhkəmə palatasının istefasını tələb edəcəyik", - deyə aksiya zamanı "Ləyaqət və ədalət" platformasının fəallarından olan Andrey Nestase bəyan edib.

Xatırladaq ki, sentyabrın 6-dan Moldovanın paytaxtı Kişinyovda kütləvi anti-hökumət mitinqləri keçirilir.

Bir neçə gün öncə Moldovanın baş naziri Valeriu Streles bu gün Böyük Milli Məclis Şurasının nümayəndələri ilə görüşdə hökumətin istefa verməyəcəyini söyləyib.

Rəşid Mustafazadə

Ölkə.Az