"iPhone 6S"dən ötrü, görün, nəyini satırmış
Bu ideyanı ona dostu Xuan verib
Ölkə.Az xəbər verir ki, Çinin Yançjou şəhərində yaşayan Yu soyadı olan şəxs yeni "iPhone 6S" almaq üçün böyrəyini satmaq istəyib.
Bu ideyanı ona dostu Xuan verib. Onlar internetdə orqanların qanunsuz satışını həyata keçirən agentlə tanış olublar. Müayinədən keçdikdən sonra müqavilə imzalanıb, ancaq bir müddət sonra Yu imtina etsə də, Xuan fikrindən dönməyib.
Bunu görən gənc polisə müraciət edib.
Qeyd edək ki, Apple şirkəti yeni iPhone 6s və iPhone 6s Plus smartfonlarını artıq ictimaiyyətə təqdim edib.
Onu da əlavə edək ki, Apple şirkəti yeni iPhone 6s və iPhone 6s Plus smartfonlarını sentyabrın 25-dən etibarən 12 ölkədə satışa çıxaracaq.
Yeni iPhone 6s-in qiyməti 649 dollar (16 Qb), 699 dollar (64 Qb), 749 dollar (128 Qb) təşkil edir.
Ölkə.Az
