ABŞ Şimali Koreyaya xəbərdarlıq etdi

"Bu, Şimali Koreya üçün baha başa gələcək"

Ölkə.Az xəbər verir ki, Şimali Koreyanın qalmaqallı nüvə proqramının reallaşdırılması ilə bağlı planı Vaşinqtonun narazılığına səbəb olub.

Ağ Ev Şimali Şimali Koreyanı nüvə və ya ballistik raket sınaqlarının onlar üçün baha başa gələ biləcəyi barədə xəbərdarlıq edib.

"Bəyan edirik ki, Şimali Koreya regional gərginliklərə yol açan məsuliyyətsiz təxribatlardan əl çəkməli və beynəlxalq öhdəliklərini yerinə yetirməlidir. Bu, təkcə bizim deyil, dünyanın müxtəlif ölkələrinin mövqeyidir", - deyə Ağ Ev Rəsmisi Coş Ernest bəyan edib.

Şimali Koreyanın nüvə proqramının dayandırılmasına yönəlmiş Cənubi Koreya, ABŞ, Çin, Yaponiya və Rusiyanın iştirak etdiyi altıtərəfli danışıqlar 2009-cü ildən tormozlanıb.

KCNA xəbər agentliyi bildirib ki, ölkə özünün nüvə silahlarını keyfiyyətcə və kəmiyyətcə inkişaf etdirib.

Ölkə.Az