Daha bir ölkədə "TikTok" qadağan edildi

Qırğızıstanda “TikTok” sosial media platforması qadağan edilib.

Ölkə.Az xarici KİV-ə istinadla xəbər verir ki, bu barədə Mədəniyyət, İnformasiya, İdman və Gənclər Siyasəti Nazirliyinin Mətbuat Mərkəzi açıqlama verib.

Zehni inkişafa mənfi təsir göstərən tətbiqinin zərərli təsirləri ilə bağlı bir çox qeyri-hökumət təşkilatlarından şikayətlərin daxil olduğu bildirilib: 

"Belə ki, "TikTok" istifadəçini qısa kliplərin virtual dünyasına sürükləyir. Gənclərdən bəziləri onlara baxdıqdan sonra müəyyən həyati təhlükə yaradan videoları təkrarlamağa cəhd edirlər".

Qeyd olunub ki, bu cür asılılıq yaradan məzmun gənc nəslin emosional vəziyyətinə mənfi təsir göstərir.

Çoxsaylı etirazları nəzərə alaraq və aparılan audit yoxlamalarına əsasən, “TikTok”un ölkədə qadağan edilməsi ilə bağlı qərarın icrası üçün Rəqəmsal İnkişaf Nazirliyinə müraciət edildiyi bildirilib.

Günay