Ukrayna əsgərləri İngiltərədə təlim keçiblər

20 mindən çox ukraynalı hərbçi Böyük Britaniyada təlim keçir.

Ölkə.Az xarici KİV-ə istinadla xəbər verir ki, bu barədə Ukrayna Silahlı Qüvvələrinin Baş Qərargahı açıqlama verib.

Britaniya  “İnterflex” beynəlxalq təlim əməliyyatı çərçivəsində Ukrayna əsgərlərini hərbi texnika ilə də təmin edib.

Ukrayna əsgərlərinə xüsusilə hərbi forma və ayaqqabılar, gülləkeçirməz jiletlər və dəbilqələr, eləcə də taktiki eynək və əlcəklər, ilk tibbi yardım dəstləri və digər avadanlıqlar verilib.

Məlumata görə, Britaniyanın Ukraynaya hərbi dəstəyi 2,3 milyard funt-sterlinqi (təx. 2,9 milyard ABŞ dolları) keçib.

Qeyd edək ki, 2022-ci ilin yayında başladılan “İnterflex” əməliyyatı Ukrayna əsgərləri üçün Britaniyanın rəhbərlik etdiyi beynəlxalq təlim proqramıdır.

Günay