\"Azərbaycan Dəmir Yolları\" sentyabrın 21-dən fərqli iş rejiminə keçir
Sərnişin sıxlığı nəzərə alınaraq xətlərə əlavə vaqonlar da buraxılacaq
Qurban bayramı günlərində "Azərbaycan Dəmir Yolları" QSC gücləndirilmiş iş rejiminə keçəcək.
Ölkə.Az xəbər verir ki. bunu “APA-Economics”ə “Azərbaycan Dəmir Yolları” QSC-nin Mətbuat Katibliyinin rəisi Nadir Əzməmmədov bildirib.
"Sentyabrın 21-dən etibarən ölkə ərazisində bayram günləri olduğu üçün, stansiyalarda və bəzi iş yerlərində növbəli iş rejiminə keçiləcək. Bayram günləri sərnişinlərin təhlükəsiz daşınması üçün "Azərbaycan Dəmir Yolları" QSC-nin əməkdaşları növbəli sistemlə işləyəcəklər", - deyə N. Əzməmmədov vurğulayıb.
Qurum rəsmisinin sözlərinə görə, sentyabrın 21-dən sərnişin sıxlığı nəzərə alınaraq xətlərə əlavə vaqonlar da buraxılacaq.
Ölkə.Az
