Ekspert: \"Dağlıq Qarabağ probleminin uzanmasının səbəbkarı Rusiyadır\"

Dağlıq Qarabağda rus qoşunları yerləşdiriləcək

Dağlıq Qarabağda rus qoşunları yerləşdiriləcəyinə ABŞ-ın "Stratfor" kəşfiyyat-analitik şirkəti gəlib. "Stratfor" kəşfiyyat-analitik şirkətinin iddiasına görə məsələ ilə bağlı İlham Əliyev və Putin razılığa gəliblər.

"Stratfor" kəşfiyyat-analitik şirkətinin bu iddiasını hərbi ekspert Üzeyir Cəfərov Ölkə.Az-a şərh edib.

"Müxtəlif təşkilatlar, araşdırma mərkəzləri bölgəmizlə bağlı bir-birindən maraqlı xəbərlər yayırlar. "Stratfor" araşdırma mərkəzinin yaydığı bu məlumat da o tipli xəbərlər silsiləsindəndir. Xəbər yazılıb ki, Rusiya prezidenti ilə Azərbaycan prezidenti arasında razılaşma olub və Dağlıq Qarabağda sülhməramlı qüvvələr yerləşdiriləcək. Sülhməramlı qüvvələrin gətirilməsi qanunla tənzimlənir. Azərbycan qanunvericiliyində bu cür hallar qadağan olunub. "Xarici ölkələrin hərbi qulluqçularının və bazalarının Azərbaycanda yerləşdirilməsi", bu birmənalı olaraq mümkün deyil. Bunun üçün mütləq qanunvericilik formasında bu məsələ həllini tapmalıdır. Nəzəri baxımdan heç nəyi istisna etmək olmaz. Praktiki baxımdan Rusiya Azərbaycan üçün Dağlıq Qarabağla bağlı hansı addımı atıb ki, Azərbaycan ona xoş məram nümayiş etdirsin. Əksinə hər zaman işğalçı Ermənistan dəstəklənib. Dağlıq Qarabağ probleminin uzanmasının səbəbkarı Rusiyadır. Bu xəbərə adi məlumat kimi baxıram. Sülhməramlıların Azərbaycan ərazisinə yerləşdirilməsi təhlükəlidir".

Qeyd edək ki, "Stratfor"siyasi araşdırmalar şirkətinin analizləri çox zaman düz çıxır.

Səxavət Məmməd
Ölkə.Az