Krım türklərinin lideri: "Kütləvi axtarışlar aparılır"

Evlərdə, məscidlərdə, məktəblərdə axtarışlar aparılır

Ölkə.Az xəbər verir ki, Ukrayna prezidentinin krım türklərinin məsələləri üzrə səlahiyyətlisi Mustafa Cəmilev Krımda türklərin evlərində kütləvi axtarışların aparıldığını bəyan edib.

O bildirib ki, millətlərarası düşmənlik hökm sürür və evlər, məscidlər və təhsil müəssisələrində qeydə alınan 160-a yaxın axtarış faktı bunun bariz nümunəsidir.

"Bu cür şovinist ifadələr heç sovet dövründə olmayıb. Bizim həmyerlilərimizə qorxu və Vətəni tərk etmə istəyi aşılanır" - deyə krım türklərinin lideri bəyan edib.

O qeyd edib ki, Krım ərazisində 80 min rus hərbçisi var, nüvə anbarı bərpa olunur.

Rəşid Mustafazadə
Ölkə.Az