"Ən yaxşı döyüşçülər bu bölgədən gəlir" - Berezin Azərbaycan haqqında
"Azərbaycanın təmiz ab-havası və bərəkətli torpağı var; bütün vilayətin əhalisi 1 870 000 insana qədərdir. Onların əsas hissəsini türk və kürd tayfaları təşkil edir, buna görə də Azərbaycan İranın (Qacar dövlətinin) ən igid əyalətidir”.
Ölkə.Az "Milli kimlik" səhifəsinə istinadla xəbər verir ki, bu fikirlər 19-cu əsrdə yaşamış Rusiya şərqşünası İlya Nikolayeviç Berezinin "Şimali İrana səyahət" kitabında yer alıb. O qeyd edib ki, ən yaxşı döyüşçülər bu bölgədən gəlir:
“Bu çoxdandır ki, belədir. Çünki hələ İbn Asima əl Kufinin "Qələbələr tarixi" kitabında Nəhavənd döyüşündəki Azərbaycan əsgərlərinin sayı (30 000 insan) birinci yeri tutur.
Azərbaycanda əsgərliyə böyük cəhdlə gedirlər. Həm də ona görə ki, İranda indi hökm sürən sülalə türk qanına aiddir və beləliklə öz həmtayfaları arasında etibarlı istinad axtarmalıdır, güneyli farslar arasında yox”, - deyə o qeyd edib.
Ölkə.Az
